Donald Trump spiritual adviser, Paula White-Cain don lead prayer service to request for angels from Africa and South America to help am win di US Presidential election.
Paula White-Cain wey also be Televangelist tok for prayer say she dey hear sound of victory plus sound of shouting and singing.
Dis dey happen as counting of votes for di US Presidential Elections still dey go and tension dey rise as Democratic Party nominee Joe Biden dey lead from di votes wey dem don count so far.
Oga Trump wey be Republican candidate don already accuse im opponents, Biden say im dey commit electoral fraud.
For di prayer video wey don go viral, Paula white dey speaks in tongues and begin Hala "And strike and strike and strike and strike until you get the victory."
"For every enemy wey dey against you (President Trump), let dia be saying we go strike di ground and we go get victory lord."
"I dey hear the sound of abundant of rain, I dey hear the sound of victory, I dey hear the sound of shouting and singing."
Di first time wey Paula White pray with oga Trump na wen e be di host of reality TV show The Apprentice.
Who be Paula White-Cain
Paula White-Cain na preacher, author, televangelist and presidential spiritual adviser to Donald Trump. Dey Born her for Tupelo, Mississippi and she be 54-year-old.
For 1991, Paula White, and her before husband Randy White, set up di Tampa Christian Center wey later become di Without Walls International Church.
Donald Trump first come in contact with Paula White for 2002 afta e get in touch with her through telephone. Afta dat Paula become Trump personal minister and according to tori pipo Newsweek.
Paula White dey involve well-well for Trump presidency as di chairmo of Trump Evangelical Advisory Board.